З мэтай папулярызацыі роднай мовы, выхавання нацыянальнай самасвядомасці, любові да беларускай мовы ў дзяржаўнай установе адукацыі “Сярэдняя школа № 6 г. Пінска” прайшоў Тыдзень роднай мовы «Як ты дорага мне, мая родная мова!».

     На працягу пяці дзён з вучнямі былі праведзены разнастайныя мерапрыемствы: кніжныя выставы, акцыі, экскурсіі, конкурс віншавальных паштовак “Пажаданні роднай мове”, літаратурная гасцёўня і інш.

     Падчас мерапрыемстваў вучні змаглі прадэманстраваць не толькі свае інтэлектуальныя, але і лідарскія, творчыя здольнасці.

    Самыя актыўныя ўдзельнікі былі адзначаны дыпломамі і атрымалі салодкія падарункі.

   Тыдзень роднай мовы завяршыўся, але будзем спадзявацца, што мерапрыемствы беларускамоўнага тыдня дапамаглі абудзіць ва ўдзельнікаў цікавасць да вывучэння роднай мовы, гісторыі і традыцый беларускага народа, а таксама дапамаглі праявіць сябе і знайсці новых сяброў.